top of page
  • Writer's pictureinfo ecmind

親子關係由家長主導


假如小朋友同時有自閉症譜系障礙(ASD)與專注力不足及過度活躍症(ADHD),管教就更需要多花耐性。不過知易行難,好多時家長都會因為想即時停止當下嘅行為而選擇鬧咗先,小朋友當刻的確會聽話,但奈何鬧多幾鬧,佢哋就會變得不瞅不睬。親子關係變差,可能會令之後嘅教導更難執行。


其實當小朋友做出唔恰當嘅行為,父母必須先學會冷靜,再嘗試勸阻,解釋比佢哋聽當下發生咩事,從另一角度一齊討論呢啲行為有咩地方做得唔啱,會點影響到其他人。如果小朋友嘅表現有所改善,不妨多加稱讚、鼓勵,相反如果講極都唔聽,大發脾氣,就建議先俾個空間佢稍為冷靜,再好好溝通。


隨着小朋友年紀增長,多動或專注力不足嘅情況會有所改善,衝動行為亦會減少。如果小朋友嘅行為影響到生活學習需要,家長應該考慮盡早同佢地接受評估及治療,以減低對佢哋日後成長嘅影響。





3 views0 comments

Comments


bottom of page