自閉症譜系障礙(ASD)小朋友一般需要透過行為訓練改善社交溝通技巧同偏執行為，如果同時患有專注力不足及過度活躍症（ADHD），治療上又會有咩唔同呢？
對於ASD嘅小朋友嚟講，一般都會以行為訓練為主，幫助改善佢哋嘅應變能力及社交溝通技巧。
而ADHD方面，小朋友可以考慮接受藥物治療，例如中樞神經刺激劑，以改善小朋友嘅專注力，幫助佢哋集中精神，對於學習或者接受行為訓練都會有正面作用。
此外，家長亦要學識點樣正向管教小朋友，例如喺咩情況之下需要放鬆同保持冷靜，點樣透過獎勵計劃，喺小朋友做得好嘅時候加以獎賞，從而鼓勵佢地更主動去學習同作出改變。
Comments